Бөлүмдөр
Бейшемби, 16-август
Баракелде

Сауд Арабияда падышанын хан сарайына кол салуу болуп, 2 адам каза болду

Turmush -  Сауд Арабиянын падышасынын Жидда шаарындагы хан сарайына куралдуу кол салуу болуп, 2 адам каза болду. Бул тууралуу Reuters маалымдады.

Маалыматка караганда, «Калашников» автоматы менен куралданган адам падыша Сальман ибн Абдул-Азиз Аль Сауддун хан сарайына «Hyundai» үлгүсүндөгү унаа менен кирип кол салган. Андан 2 кароолчу өлүп, үчөө жарадар болду. Кол салуучунун жанынан автоматтан тышкары күйүүчү зат куюлган 3 бөтөлкө табылган.

Кийинчерээк кол салган адам Сауд Арабия падышачылыгынын 28 жаштагы жараны Мансур бин Хассан Аль-Амери экендиги такталды. Анын кандайдыр бир экстремисттик топтор менен катыштыгы аныктала элек.

Жидда шаары чоңдугу боюнча Сауд Арабиянын Эр-Рияд шаарынан кийинки экинчи шаары. Шаар Кызыл деңиздин жээгинде жайгашкан.

5-7-октябрь күндөрү Сауд Арабиянын падышасы Сальман ибн Абдул-Азиз Аль Сауд Москвага расмий иш сапар менен барган болчу.

Сиздин реакция: Эркек Аял
Күлкүлүү
Капалуу
Таң калуу
Ачуулануу
Необходимо авторизоваться
Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 1425
Комментарии
Для добавления комментария необходимо быть нашим подписчиком
Көп окулду
×