Бөлүмдөр
Бейшемби, 16-август
Баракелде

Видео — Казакстандагы катуу сууктан чабан койлору менен тирүүлөй тоңуп калды

Turmush -  Казакстандын Маңгыстау облусунда катуу сууктан улам жергиликтүү чабан койлору менен тирүүлөй тоңуп калды. Бул тууралуу окуяга күбө болгондор билдиришти.

Маалым болгондой, койчу талаадан койлорун айдап келе жатканда тоңгон. Койлордун кээ бири кардын алдында калган. Милиция кызматкерлери тирүү койлорду кардын алдынан алып чыгууга аракет кылууда.

Синоптиктердин айтымында, алдыдагы үч суткада Казакстанда катуу суук сакталып турат. Учурда Астана шаарында күндүз абанын төмөнкү температурасы -34 градус болуп жатат. 24-январда Казакстандын түндүгүндө жана чыгышында абанын төмөнкү температурасы -35 градуска жеткен.

Буга чейин социалдык түйүндөрдүн колдонуучулары Казакстандагы катуу сууктан тоңуп өлгөн үй жана жапайы жаныбарлардын видеосун жарыялашкан.

Парламенттин депутаты Берик Дүйсембинов ички иштер министри Калмуханбет Касымовго бороон жана катуу суук тууралуу эскертүү берген иш-чараларды даярдоо боюнча кайрылуу жасады.

«Бул күндөрү Казакстанда жарандардын өмүрүнө коркунуч келтирген аномалдуу суук болуп жатат. Социалдык түйүндөрдө үй жана жапайы жаныбарлардын сууктан тоңуп өлгөн видеолору жарыяланууда. Кыш мезгилинен баштап куткаруучулар жергиликтүү аткаруу органдары жана жол кызматы менен бирге кар күрткүсүнөн 5 500дөн ашык адамды алып чыгышты. Алардын ичинен 439у жаш балдар», - деди Б.Дүйсембинов палатанын отурумунда.

Сиздин реакция: Эркек Аял
Күлкүлүү
Капалуу
Таң калуу
Ачуулануу
Необходимо авторизоваться
Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 63511
Комментарии
Для добавления комментария необходимо быть нашим подписчиком
Көп окулду
×