Бөлүмдөр
Шейшемби, 16-октябрь
Баракелде, Дүйнө 08.02.2018 14:00 На русском

Москвадагы рейд учурунда миграция мыйзамын бузууга шектелген кыргызстандык 44 жаран кармалды

Turmush -  Москва шаарындагы рейд учурунда миграция мыйзамын бузууга шектүү делип Кыргызстандын 44 жараны кармалды. Бул тууралуу Кыргызстандын Россиядагы элчилигинин басма сөз кызматы билдирди.

Маалыматка караганда, элчиликтин кызматкерлери кечээ,7-февраль күнү Россиянын ИИМнин Текстильщики аймагы боюнча бөлүмүнө барышкан. Аталган өлкөдө жашоого укуктуу экенин тастыктаган документтерди кароо жана текшерүү учурунда Кыргызстандын 35 жараны кое берилди.

Ал эми, калган 9 жаран миграция мыйзамын бузгандыгы аныкталды. Түзүлгөн протоколдорду кароо учурунда тергөөчү 9 адамдын материалын сот органдарына өткөрүп берүү чечимин кабыл алды. Россиянын мыйзам долбооруна ылайык, миграция мыйзамын бузган жаранга 5 миң рубль айып салынат (кара тизмеге киргизилбейт).

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
×