Бөлүмдөр
Дүйшөмбү, 15-октябрь
Баракелде, Дүйнө 30.09.2018 14:18

Дүйнөлүк чемпионаттан дагы бир медаль. Ардагер балбан Чынарбек Изабеков коло байге тагынды

Turmush -  Кыргызстандык Чынарбек Изабеков күрөш боюнча ардагерлер арасындагы дүйнөлүк чемпионатта коло медаль утуп алды. Чемпионат 28-сентябрда Македониянын Скопье шаарында башталган.

Буга чейин дүйнөнүн эки жолку чемпиону болгон Ч.Изабеков 29-сентябрда 46-50 жаштардагы спортчулар арасында 100 кг чейинки салмак боюнча күч сынашты. Алгачкы 1/4 финалдагы беттеште болгариялык Стефан Иванов Георгиевди 2:1 эсебинде жеңген.

Чынарбек Изабеков

Ал эми финалга жолдомо берүүчү беттеште россиялык Виталий Перфилиев менен беттешип, 2:3 эсебинде жеңишти алдырып жиберди. Көңүл жубатуучу беттеште африкалык Петер Фредерик Ду Перез менен кез келип, 4:0 эсебинде жеңишти ээледи. Муну менен жыйынтык протоколдо Ч.Изабеков 3-орунга жазылып, коло байгеге татыктуу болду.

Ч.Изабеков буга чейин 2015-жылдагы жана 2016-жылдагы дүйнөлүк чемпионатта алтын медаль тагынса, 2017-жылдагы дүйнөлүк чемпионаттан күмүш медаль алып келген.

Быйылкы дүйнөлүк чемпионаттын алкагында 28-сентябрда Мелис Турганбаев дагы коло байге тагынган болчу.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Сиздин реакция: Эркек Аял
Күлкүлүү
Капалуу
Таң калуу
Ачуулануу
Необходимо авторизоваться
Комментарии
Для добавления комментария необходимо быть нашим подписчиком
Көп окулду
×